އެސްޓީއޯގެ ފާމަސީތައް ރޯދައިގެ ކުރިން ބޭސް ކުންފުނީގެ ދަށަށް ބަދަލުކުރަނީ
އަދަދު
13 ޖެނުއަރީ 2026 | އަންގާރަ | 2:35
ވޭތުވެދިޔަ 40 އަކަށް އަހަރު ރާއްޖޭގައި އެންމެ ގިނަ އަދަދެއްގެ ބޭސް ފިހާރަ ހިންގަމުންދިޔަ އެސްޓީއޯގެ ހުރިހާ ފާމަސީއެއް، ރާއްޖެއަށް ބޭސް އެތެރެ ކުރުމަށް ސަރުކާރުން އުފެއްދި ހާއްސަ ކުންފުނީގެ ދަށަށް ބަދަލުކުރަން ނިންމައިފި އެވެ.
"ސްޓޭޓް ފާމަސޫޓިކަލް އެންޑް މެޑިކަލް ސަޕްލައި ކޯޕަރޭޝަން ލިމިޓެޑް" ގެ ނަމުގައި ރާއްޖެއަށް ބޭސް އެތެރެ ކުރަން ހާއްސަ ކުންފުންޏެއް ސަރުކާރުން އުފެއްދީ މިދިޔަ ސެޕްޓެމްބަރު މަހު އެވެ. އެ ކުންފުނީގެ މެނޭޖިން ޑިރެކްޓަރަކަށް އައްޔަންކުރީ ޑރ. ޝާހު މާހިރު އެވެ.
މި ނޫހަށް މައުލޫމާތު ލިބިފައިވާ ގޮތުގައި އެސްޓީއޯގެ ދަށުން ހިންގަމުންދިޔަ ބޭސް ފިހާރަތައް ބޭސް ކުންފުނީގެ ދަށަށް ބަދަލުކުރުމުގެ މަސައްކަތް އަންނަ ހަފުތާ ފަށާނެ އެވެ. އެކަން އެސްޓީއޯގެ އޮފިޝަލަކު ވަނީ ކަށަވަރުކޮށްދީފަ އެވެ.