އަންނަ ފެބްރުއަރީ 5، އަކީ މުހައްމަދު މުއިއްޒު ރިޔާސީ ބަޔާން އިއްވަވާ ދުވަސް ކަމަށް ރައްޔިތުންގެ މަޖިލީހުން ކަނޑައެޅުމުން، އެ ދުވަހަކީ ސަރުކާރު ބަންދު ދުވަހެއް ކަމަށް ކަނޑައަޅައިފި އެވެ.

ރައީސް އޮފީހުން ބުނީ ކޮންމެ އަހަރެއްގައި ރިޔާސީ ބަޔާން އިއްވާ ދުވަހަކީ ސަރުކާރު ބަންދު ދުވަހެއް ކަމަށް މިދިޔަ އަހަރުގެ ޖެނުއަރީ 15، ގައި މުއިއްޒު ކަނޑައަޅުއްވާފައިވާތީ، އަންނަ ފެބްރުއަރީ 5، ގައި ރިޔާސީ ބަޔާން އިއްވާ ދުވަހު ސަރުކާރު ބަންދުވާނެ ކަމަށެވެ.

މުއިއްޒުގެ ވެރިކަމުގައި 2024 ވަނަ އަހަރުގެ ރިޔާސީ ބަޔާން އިއްވި ދުވަސް ބަންދު ނުކުރަން ނިންމި އެވެ. ނަމަވެސް މިދިޔަ އަހަރު ރިޔާސީ ބަޔާން އިއްވަން މަހަކަށްވުރެ ކުޑަތަންވެފައި ވަނިކޮށް މުއިއްޒު ވަނީ އެ ނިންމުން ބަދަލުކުރައްވާ ރިޔާސީ ބަޔާން އިއްވާ ދުވަހު ސަރުކާރު ބަންދުވާނެ ކަމަށް ކަނޑައަޅުއްވާފަ އެވެ.

މައުޟޫޢުތަށް