މުއިއްޒަށް ތަރައްގީ ނުކުރެވުނު ޕާކު އާޒިމް ހަދައި ހުޅުވައިފި
އަދަދު
14 ޖެނުއަރީ 2026 | ބުދަ | 7:27
ގިނަ އަހަރުތަކެއް ވަންދެން ވަށައިގެން ޓިނު ޖަހައި ބަންދުކޮށްފައި އޮތް ގަލޮޅު "ސިޓީ ޕާކު" ޒަމާނީ ފެންވަރަށް ތަރައްގީކޮށް އިއްޔެ ހުޅުވައިފި އެވެ.
މި ޕާކު ތަރައްގީކުރުމަށްޓަކައި އެންމެ ފުރަތަމަ އެތަން ބަންދުކުރީ މިހާރުގެ ރައީސް މުހައްމަދު މުއިއްޒު މޭޔަރުކަމުގައި ހުންނެވި ދުވަސްވަރުއެވެ. އެމަނިކުފާނު އޮކްޓޯބަރު 14، 2022 ގައި ޕާކުގެ ކުރެހުންތައް އިއުލާނުކުރައްވައި، ރައްޔިތުންގެ ހިޔާލު ހޯއްދެވުމަށް ބައްދަލުވުމެއްވެސް ބޭއްވެވި އެވެ.
އޭރު ރައީސް މުއިއްޒު ވިދާޅުވީ ޕާކު ތަރައްގީކުރަން ބަޖެޓު ނެތް ނަމަވެސް، އަމިއްލަ ހަރަދުގައި އެ މަސައްކަތް ކުރާނެ ބަޔަކު ހޯދުމަކީ ކައުންސިލްގެ ވިސްނުން ކަމަށެވެ. ނަމަވެސް، ރައީސް މުއިއްޒު ވެރިކަމާ ހަވާލުވެވަޑައިގެންނެވިއިރުވެސް، ޕާކު ބަންދުކުރުން ފިޔަވައި އަމަލީ އެއްވެސް މަސައްކަތެއް ކުރިއަށް ގޮސްފައެއް ނުވެއެވެ.