ގޮތް ނޭނގޭ ވައިގެ އުޅަނދެއް ރާއްޖެ މަތިން ބުރު އަޅައިފި
އަދަދު
14 ޖެނުއަރީ 2026 | ބުދަ | 11:29
ގޮތް ނޭނގޭ ވައިގެ އުޅަނދަކުން ރާއްޖެ ކައިރިއަށް އައިސް އެތައް ގަޑިއިރެއް ވަންދެން ބުރު އަޅައިފި އެވެ.
ވައިގެ އުޅަނދުތައް ޓްރެކްކުރާ ސައިޓުތަކުންނާއި އެހެން މަސްދަރުތަކުން މި ނޫހުގެ ޓީމުން ހޯދި މައުލޫމާތުތަކުން އެނގޭ ގޮތުގައި މި އުޅަނދު ރާއްޖެ މަތިން ދަތުރުކުރީ އިއްޔެ އާއި ރޭގެ ވަގުތުތަކެއްގަ އެވެ.
ނަމަވެސް އެ އުޅަނދުގެ ބާވަތާއި ރެޖިސްޓްރޭޝަން ނަންބަރާއި ނިސްބަތްވާ ގައުމު ފަދަ ތަފުސީލުތައް ހުރީ ސިއްރުކޮށްފަ އެވެ. އެހެންކަމުން މިއީ ސީދާ ކޮން އުޅަނދެއް ކަމެއް ޔަގީންވެފައެއް ނުވެ އެވެ.