ހަލަބޮލި ކެމްޕޭނަކަށްފަހު ކުރިމަތިލުމާ ހަމައަށް؛ އިވުނު އަޑުތަކާއި ދެ އާޒިމްގެ ފަހު ބަސް
އަދަދު
15 ޖެނުއަރީ 2026 | ބުރާސްފަތި | 7:47
ވާދަވެރިކަމާއި ހަލަބޮލިކަމުގެ ކެމްޕޭނަކަށްފަހު އިދިކޮޅު އެންމެ ބޮޑު ސިޔާސީ ޕާޓީ، އެމްޑީޕީން ލޯކަލް ކައުންސިލް އިންތިހާބުގެ ޕްރައިމަރީއާ މާދަމާ ކުރިމަތިލާނެ އެވެ.
މާދަމާއަކީ މީގެ ދެ އަހަރު ކުރިން ދެ ފަޅިވި އެމްޑީޕީ އަލުން އެކުވި ހިންމީގައި ފުޓުނި އަޅާންޖެހޭ ދުވަހެވެ. މާދަމާ އަކީ އެމްޑީޕީއަށް ތާރީހީ ދުވަހެކެވެ. އެ ޕާޓީގެ ކުރިމަގާއި ރާއްޖޭގެ މަޑުޖެހިފައި އޮތް ސިޔާސީ މަސްރަހާ ވެސް ގުޅިފައިވާ މުހިންމު ދުވަހެކެވެ.
މާދަމާ އޮންނަ އެމްޑީޕީގެ ކައުންސިލް ޕްރައިމަރީއާ އެ ޕާޓީގެ ކެންޑިޑޭޓުން ކުރިމަތިލާނީ އެކަން ދަނެގެންނެވެ. ޕްރައިމަރީގެ ވޯޓުލުމަށް 24 ގަޑިއިރަަށްވުރެ ކުޑަތަންވެފައިވާއިރު، އެންމެ ހޫނުކޮށް ކެމްޕޭން ކުރިއަށްދިޔަ މާލޭ މޭޔަރު ވާދައިގެ ދިލަ އަދިވެސް މަޑެއް ނުވެ އެވެ.