އިދިކޮޅު އެމްޑީޕީގެ ފަރާތުން ވެރިކަން ހިންގާ މާލޭގެ މޭޔަރުގެ މަގާމަށް ވާދަ ކުރާނެ ކެންޑިޑޭޓަކު ހޮވަން މިއަދު ބޭއްވި އެތެރޭގެ އިންތިހާބުން ބަލިވިކަން އަލީ އާޒިމް ގަބޫލު ކުރައްވައި، އާދަމް އާޒިމްއަށް މަރުހަބާ ކިޔައިފި އެވެ.

މާލޭގެ މިހާރު ވެސް މޭޔަރު، އާދަމް އާޒިމް ވަނީ 1411 ވޯޓު ހޯއްދަވައިފަ އެވެ. އެއީ 57.9 ޕަސެންޓު ވޯޓެވެ. އަލީ އާޒިމްއަށް ލިބުނީ 962 ވޯޓެވެ. އެއީ 39.5 ޕަސެންޓު ވޯޓެވެ. ވޯޓުލާން ނުކުތީ 2436 މީހުންނެވެ. އެކަމަކު، 63 ވޯޓެއް ބާތިލުވި އެވެ.

އިންތިހާބުން ބަލިވުމުން އެކަން ގަބޫލު ކުރައްވައި އަލީ އާޒިމް، އާދަމް އާޒިމްއަށް މަރުހަބާ ވިދާޅުވުމަށް ފޯން ކޯލެއް ކުރެއްވި އެވެ.

މައުޟޫޢުތަށް