ކުރިއަށް އޮތް އޭޕްރީލް މަހު އޮންނަ ލޯކަލް ކައުންސިލް އިންތިހާބާ ދިމާކޮށް ސަރުކާރުން ވަޒިފާ ދޭ މީހުން އެ އިންތިހާބަށް ފަހު އެ މަގާމުތަކުން ކަނޑާލާނެ ކަމަށް ޕީޕަލްސް ނެޝަނަލް ފްރޮންޓް (ޕީއެންއެފް) ގެ ރައީސް އަބްދުالله ޔާމީން ވިދާޅުވެއްޖެ އެވެ.

ފްރޮންޓް އޮފީސް ޖަލްސާގައި ވާހަކަ ދައްކަވަމުން ޔާމީން ވަނީ ސަރުކާރުން އެތައް ހާސް ވަޒީފާއެއް އެ އިންތިހާބާ ދިމާކޮށް ބަހާނެ ކަމަށް ވިދާޅުވެފަ އެވެ. ބަޔަކަށް ވަޒީފާ ދިނުމަކީ ކަންބޮޑުވާ ކަމެއް ނޫން ކަމަށާއި ނަމަވެސް އެ ވަޒީފާތައް ދެމެހެއްޓޭނެ ކަމާމެދު ޔާމީން ސުވާލު އުފެއްދެވި އެވެ.

"ކައުންސިލް އިންތިހާބު ނިމި މި މީހުން ބޭނުންވާ ނަތީޖާ ނުނުކުތީމާ އަލަށް ވަޒީފާތަކުގައި ތިބި މީހުން މަގާމުން ކަނޑާލާއި އުކާލާނެ ހެއްޔޭ؟ މިވަރުގެ ބަޔަކު އެކަން ކުރާކަށް ފަހަކަށް ނުޖެހޭނެ، އެ ކަން ކުރުމަކީ އެކަށީގެންވާ ކަމެއް،" ޔާމީން ވިދާޅުވި އެވެ.

މައުޟޫޢުތަށް