ސްޓޫޑެންޓް ލޯނުގައި ރާއްޖެއިން ބޭރުން މަތީ ތައުލީމު ހާސިލުކުރަމުންދާ ދަރިވަރުންނަށް ދޭ ސްޓައިޕެންޑް މުރާޖައާ ކުރުމުގެ މަސައްކަތް މި އަހަރު ތެރޭގައި ފަށައިގެން ކުރިއަށްދާ ކަމަށް ހަޔާ އެޑިއުކޭޝަން މިނިސްޓަރު ޑރ. އަލީ ހައިދަރު އަހްމަދު މިއަދު ވިދާޅުވެއްޖެ އެވެ.

ރައީސް އޮފީހުގެ ތަރުޖަމާން ހީނާ ވަލީދު ގެނެސްދެއްވާ ޕޮޑްކާސްޓުގައި ހައިދަރު ވިދާޅުވީ ދިރިއުޅުމުގެ ހަރަދުތައް ކޮންމެ ގައުމެއްގައި ވެސް އިތުރުވަމުންދާތީ، އެ ގައުމެއްގައި ދިރިއުޅެވޭ އަދަދަށް ފައިސާ ދޫކުރުމުގެ މަގުސަދުގައި ދަރިވަރުންނަށް ދޭ ސްޓައިޕެންޑް މުރާޖައާކުރުމުގެ މަސައްކަތް ފަށާފައިވާ ކަމަށެވެ.

"ދިރިއުޅުމުގެ ހަރަދުތައް ކޮންމެ ގައުމެއްގައި ވެސް އަންނަނީ އިތުރުވަމުން. އެހެންވީމަ [ސްޓައިޕެންޑް] އަޅުގަނޑުމެން މުރާޖައާ ކުރުމުގެ މަރުހަލާއެއް މި އަހަރު ތެރޭގައި ފަށައިގެން މިއުޅެނީ އެނގޭތޯ. އެހެންވީމަ ފަށައިގެން މުރާޖައާ ކުރީމަ އެ ގައުމެއްގައި ހަމަގައިމުވެސް ދިރިއުޅުމަށް ބޭނުންވާ އަދަދަކަށް އަޅުގަނޑުމެންނަށް ފައިސާ ދެވޭނެ އެނގޭތޯ،" މިނިސްޓަރު ވިދާޅުވި އެވެ.

މައުޟޫޢުތަށް