ކޮންޓްރޯލް ކޮމިޝަނުގެ އެންގުމަށް ބަދަލެއް، ކާޓޫނު ދައުރު ނުކުރަން އެންގީ މީޑިއާތަކަށް
އަދަދު
25 ޖެނުއަރީ 2026 | އާދިއްތަ | 6:17
އަދަދު ނޫހުގެ ފޭސްބުކް ޕޭޖާއި އެކްސް އެކައުންޓުގައި ޝާއިއުކުރި "ސިޔާސީ ކާޓޫން" ގެ ވޮލިއުމް 22 އެއްވެސް މީހަކު ދައުރު ނުކުރަން މޯލްޑިވްސް މީޑިއާ އެންޑް ބްރޯޑްކާސްޓިން ކޮމިޝަން (ކޮންޓްރޯލް ކޮމިޝަން) އިން އެންގި އެންގުމަށް ބަދަލެއް ގެނެސްފި އެވެ.
ކޮމިޝަނުން އެންމެ ފުރަތަމަ ނެރުނު އިއުލާނުގައި އޮތީ މި ނޫހުން މިދިޔަ ބުރާސްފަތި ދުވަހު ގެނެސްދިން ކާޓޫނަކީ އެ ކޮމިޝަނުން ބަލަމުންދާ މައްސަލައަކާ ގުޅިގެން ނެގުމަށް އަންގާފައިވާ ކާޓޫނަކަށްވާތީ، އެ ކާޓޫނު "އެއްވެސް ފަރާތަކުން ދައުރު ނުކުރުމަށް" އަންގާ ކަމަށެވެ.
ދެ ފަހަރެއްގެ މަތިން އިއުލާން ޑިލީޓު ކުރުމަށް ފަހު އިއުލާން އަލުން އަޕްލޯޑުކޮށްފައިވާއިރު ފުރަތަމަ އިއުލާނުގައި އޮތް "އެއްވެސް ފަރާތަކުން ދައުރު ނުކުރުމަށް" ބަދަލުގައި މިހާރު އޮތީ "އެއްވެސް މީޑިއާ އަކުން ދައުރު ނުކުރުމަށް" އަންގާ ކަމަށެވެ.