ކައުންސިލް އިންތިހާބާ ދިމާކޮށް ތިމާވެށްޓަށް އަސަރު ކުރާނެ މިންވަރު ބަޔާންކޮށްދޭ ރިޕޯޓު (އީއައިއޭ) ނުހަދައި ނ. ވިހަފަރު ފަޅު ހިއްކަން ފަށައިފި އެވެ.

މައުލޫމާތު ލިބިފައިވާ ގޮތުގައި ނ. ވިހަފަރު ފަޅު ހިއްކަން ފެށީ އިއްޔެ އެވެ. އެ ތަން ހިއްކުމުގެ މަސައްކަތަށް ދެ އެކްސްކެވޭޓަރު އިއްޔެ އެ ތަނަށް ގެންގޮސް މަސައްކަތް ފަށާފައިވާ ކަމަށް އެ އަތޮޅު ބައެއް މީހުން ބުންޏެވެ.

ނަމަވެސް، އެ މަޝްރޫއުގެ އީއައިއޭ ރިޕޯޓު އަދި ތައްޔާރުކޮށް އާންމު ކޮށްފައެއް ނުވެ އެވެ. އެނގިފައިވާ ގޮތުގައި ވިހަފަރު ފަޅުގެ އީއައިއޭ ހަދާ ސާވޭ ޓީމު އެ އަތޮޅަށް ދާން ހަމަޖެހިފައި އޮތީ މިއަދު އެވެ.

މައުޟޫޢުތަށް