ކުރިއަށް އޮތް ލޯކަލް ކައުންސިލް އިންތިހާބު އެމްޑީޕީއަށް ކާމިޔާބުނުވެއްޖެ ނަމަ މި ސަރުކާރު ޖަވާބުދާރީ ކުރުމުގެ ފުރުސަތު ރައްޔިތުންނަށް ގެއްލިގެންދާނެ ކަމަށް ގަލޮޅު ދެކުނު ދާއިރާގެ މެންބަރު މީކާއިލް ނަސީމް ވިދާޅުވެއްޖެ ކަމަށް އިއްޔެ ރިޕޯޓުކުރި އެވެ.

އެމްޑީޕީ އިން ބުރާސްފަތި ރޭ ބޭއްވި ޖަގަހަ ޖަލްސާއެއްގައި ވާހަކަ ދައްކަވަމުން މީކާއިލް ވިދާޅުވީ، ރާއްޖެއަށް ތަރައްގީ ލިބޭނީ ވެރިކަން ހިންގާ ޕީއެންސީގެ ކެންޑިޑޭޓުން ހޮވައިގެން ކަމަށް ރައީސް މުހައްމަދު މުއިއްޒު ވިދާޅުވަނީ ރައްޔިތުންގެ ލޮލުގައި އަނދުން އަޅުވަން ކަމަށެވެ.

އެމްޑީޕީ އިން އެތައް ގުރުބާނީއެއް ވެގެން ރާއްޖޭގައި ގާއިމުކޮށްފައިވާ ޖަވާބުދާރީ ކުރުވުމުގެ ނިޒާމު ނެގެހެއްޓުމަށް ލިބިގެންދާ މިއީ އެންމެ ފަހުގެ ފުރުސަތު ކަމަށް ވެސް މީކާއިލް ރޭ ވިދާޅުވި އެވެ.

މައުޟޫޢުތަށް