ސުކޫކު ރިފައިނޭންސް ކުރުމަށްޓަކައި ސަރުކާރުން 350 މިލިއަން ޑޮލަރުގެ ލޯނެއް، 17 ޕަސެންޓުގެ އިންޓްރެސްޓް ރޭޓުގައި ނެގުމަށް މަސައްކަތް ކުރަމުންދާ ކަމަށާއި، މިއީ ރާއްޖޭގެ އިގްތިސާދީ ހާލަތު އިންތިހާއަށް ގޯސްވެފައިވާކަން ހާމަކޮށްދޭ ކަމެއް ކަމަށް ބުނެ ކުރީގެ ރައީސް އަބްދުﷲ ޔާމީން ފާޑުވިދާޅުވެއްޖެ އެވެ.

މި އަހަރުގެ އޭޕްރީލް 8 ގެ ކުރިން ދައްކަން ޖެހިފައިވާ 500 މިލިއަން ޑޮލަރު (7.7 ބިލިއަން ރުފިޔާ)ގެ ސުކޫކު ދެއްކުމަށް ކާގިލް ފައިނޭންޝަލް ސާވިސަސް އިންޓަނޭޝަނަލް (ސީއެފްއެސްއައިޓީ) އިން 300 މިލިއަން ޑޮލަރުގެ ލޯނެއް ނަގަން ސަރުކާރުން މަސައްކަތް ކުރަމުންދާކަން އިތުބާރު ހުރި މަސްދަރުތަކުން ވަނީ އެނގިފަ އެވެ. ސަރުކާރުން މިކަން ހާމައެއް ނުކުރެ އެވެ.

ޕީއެންއެފްއިން ބުރާސްފަތި ދުވަހުގެ ރޭ ބޭއްވި ޖަލްސާގައި، ސުކޫކު އަނބުރާ ދައްކަން ލޯނު ނަގަނީ ކޮން ފަރާތަކުންކަން ޔާމީން ވިދާޅުނުވިޔަސް، އެ މަނިކުފާނު ފާހަގަ އެ ކުރެއްވީ ކާގިލްގެ ވާހަކަ ކަމަށް ބެލެވެ އެވެ.

މައުޟޫޢުތަށް