ފައިސާ ޗާޕުކުރުމުގެ މުއާމަލާތް ކުރިޔަށް ގެންދަން ޕެންޝަން ބޯޑުން ފާސްކޮށްފި
އަދަދު
3 ފެބްރުއަރީ 2026 | އަންގާރަ | 10:48
ޕެންޝަން އޮފީހުން ގަނެފައިވާ ބޮންޑުތަކެއް އެމްއެމްއޭއަށް ވިއްކާލުމަށްފަހު، އެ ފައިސާ ފިނޭންސް މިނިސްޓްރީގެ އާ ބޮންޑަކަށް އިންވެސްޓުކުރާ ގޮތަށް ހިންގަން އުޅޭ 2.4 ބިލިއަން ރުފިޔާގެ މުއާމަލާތް ކުރިއަށް ގެންދަން ޕެންޝަން އޮފީހުގެ ބޯޑުން ރުހުން ދީފި އެވެ.
އިތުބާރު ހުރި މަސްދަރުތަކުން އަދަދު އަށް ކަށަވަރުކޮށްދީފައިވާ ގޮތުގައި ޕެންޝަން އޮފީހުގެ ބޯޑުން ވަނީ އިއްޔެގެ ވަގުތެއްގައި މިިކަން ފާސްކޮށްފަ އެވެ. އެ ބޯޑުން މިކަން ކުރީ، ވަގުތީ ޗެއާމަނަކު އައްޔަނުކޮށްގެންނެވެ. މި ނޫހުން ކުރި މަސައްކަތުން ވަގުތީ ޗެއާމަނަކަށް އައްޔަނުކުރީ ކާކުކަން ކަށަވަރުކުރެވޭ ގޮތެއް ނުވި އެވެ.
އަދަދު އިން ވަނީ މި ހަބަރު ޝާއިއުކުރުމުގެ ކުރިން ޕެންޝަން އޮފީހުގެ ބަހެއް ލިބޭތޯ ވެސް މަސައްކަތްކޮށްފަ އެވެ. ނަމަވެސް، ސުވާލަށް ޖަވާބެއް ދެވޭނީ އީމެއިލްގެ ޒަރިއްޔާއިން ކަމަށް އެ އޮފީހުން މައުލޫމާތު ދިނުމުން އެ އޮފީހުގެ ބަހެއް އަދި ނުލިބެ އެވެ.