ކައުންސިލް އިންތިހާބަކީ ރައީސް މުއިއްޒަށް ނޫނެކޭ ބުނަން ލިބޭ ފުރުސަތެއް: މައުރޫފް
އަދަދު
5 ފެބްރުއަރީ 2026 | ބުރާސްފަތި | 10:31
ކުރިއަށް އޮތް އޭޕްރީލް 4، ގައި ބާއްވާ ލޯކަލް ކައުންސިލް އިންތިހާބަކީ ރައީސް މުހައްމަދު މުއިއްޒަށް ނޫނެކޭ ބުނަން ރައްޔިތުންނަށް ލިބޭ ރަނގަޅު ފުރުސަތެއް ކަމަށް ރައްޔިތުންގެ މަޖިލީހުގެ ކެންދޫ ދާއިރާގެ އެމްޑީޕީ މެންބަރު މައުރޫފް ޒާކިރު ވިދާޅުވެއްޖެ އެވެ.
އެމްޑީޕީ އިން ބޭއްވި ހަރުގެ ޖަލްސާއެއްގައި ވާހަކަ ދައްކަވަމުން މައުރޫފް ވިދާޅުވީ، ރައީސް މުއިއްޒަށް ތާއީދު ކުރި ނަމަވެސް ގައުމަށްޓަކައި ވެރިކަން ކުރާ ޕީއެންސީއަށް ވޯޓު ނުދިނުން މުހިންމު ކަމަށެވެ.
"މިއީ މިޑް ޓާމް އިލެކްޝަނެއް. މިއީ ރައީސް މުއިއްޒަށް ނޫނެކޭ ބުނަން ދިވެހި ރައްޔިތުންނަށް ލިބޭ ފުރުސަތު. މުއިއްޒަށް ކިތަންމެ ވަރަކަށް ތާއީދު ކުރިޔަސް ދިވެހި ރައްޔިތުންނާއި ދިވެހި ގައުމަށްޓަކައި މި އިންތިހާބުގައި އޭނާއަށް ނޯ ޖަހަންޖެހޭ،" މައުރޫފް ވިދާޅުވި އެވެ.