އިޓްލޮސް އިން މޮރިޝަސްއަށް ދިން ކަނޑުގެ ސަރަހައްދުގައި ދިވެހި ސިފައިން އޮޕަރޭޝަނެއް ހިންގައިފި
އަދަދު
5 ފެބްރުއަރީ 2026 | ބުރާސްފަތި | 10:52
ރާއްޖޭގެ ދެކުނުން އޮތް ކަނޑުގެ ސަރަހައްދުން މޮރިޝަސްއަށް ބައިނަލްއަގްވާމީ ކޯޓުން ދިން ބަޔަށް ދިވެހި ސިފައިން ވަދެ އޮޕަރޭޝަނެއް ހިންގައިފި އެވެ.
އިޓްލޮސްގެ ނިންމުމަށް ނުބަލައި ރާއްޖޭގެ ދެކުނުން 200 ނޯޓިކަލް މޭލުގެ ސަރަހައްދަކީ ރާއްޖޭގެ ސަރަހެއްދެއްގެ ގޮތުގައި ބަލަން ސިފައިންްނަށް އެންގީ ރައީސް މުހައްމަދު މުއިއްޒެވެ. އެއާއެކު ސިފައިން ވަނީ އެ ސަރަހައްދުގެ ކޮންޓްރޯލް ހޯދިކަން އިއުލާނުކޮށްފަ އެވެ.
އޭގެ ފަހުން ޑިފެންސް މިނިސްޓްރީ އިން އާންމު ކުރި ފޮޓޯއެއްގައި ފެންނަނީ ރާއްޖޭގެ ދެކުނުން ކަނޑުގެ ސަރަހައްދުގައި ހަރަކާތްތެރިވަމުންދިޔަ ދެ މަސް ބޯޓު އަތުލައިގެންފައިވާ މަންޒަރެވެ. އެއީ ސްރީ ލަންކާގެ ދެ މަސް ބޯޓެވެ.