ޕީއެންސީ ޓިކެޓުގައި އިންތިހާބަށް ވާދަކުރި ރައޫފް އާއި ކްރިމިނަލް ކޯޓުގެ ގާޒީ ޝަފީއު ހައި ކޯޓުގެ ފަނޑިޔާރުކަމަށް
އަދަދު
8 ފެބްރުއަރީ 2026 | އާދިއްތަ | 10:25
ވެރިކަން ކުރާ ޕީއެންސީގެ ޓިކެޓުގައި މިދިޔަ މަޖިލިސް އިންތިހާބުގައި ވާދަކުރި އަބްދުއްރައޫފް އިބްރާހިމް އާއި ކްރިމިނަލް ކޯޓުގެ ފަނޑިޔާރު އިސްމާއިލް ޝަފީއު ހައި ކޯޓުގެ ފަނޑިޔާރުކަމަށް އައްޔަނުކޮށްފި އެވެ.
ހައިކޯޓުގެ ބެންޗުން ދެ މަގާމު ހުސްވީ، ފަނޑިޔާރު މުހައްމަދު ނިޔާޒު ރިޓަޔާކުރެއްވުމާއި، ފަނޑިޔާރު މުހައްމަދު ފައިސަލް އިސްތިއުފާ ދެއްވުމުންނެވެ. މި ދެ ބޭފުޅުން ވެސް މަގާމުން ވަކިވެވަޑައިގަތީ ތުހުމަތު ކުރެވޭ މައްސަލަތަކެއް ޖޭއެސްސީން ބަލަން ފަށާފައި ވަނިކޮށް ކަމަށް އަދަދު ނޫހަށް އެނގިފައިވެ އެވެ.
ފަނޑިޔާރުކަމުގެ ދެ މަގާމު ހުސްވުމާ ގުޅިގެން އެ ދެ މަގާމަށް ކުރިމަތިލުމުގެ ފުރުސަތު ހުޅުވާލުމުން، މުއްދަތު ހަމަވުމުގެ ކުރިން 19 ބޭފުޅަކު ކުރިމަތިލެއްވި އެވެ.