ކުރިއަށް އޮތް ލޯކަލް ކައުންސިލް އިންތިހާބުގެ ކެމްޕޭނަށް ވެރިކަން ކުރާ ޕީޕަލްސް ނެޝަނަލް ކޮންގްރެސް (ޕީއެންސީ) އިން ލޯންޗުކުރި "ގްރޭޓާ އައްޑޫ" ގެ ތަސައްވުރަކީ "އިންޑިއާ އައުޓް" ފަދަ ދޮގެއް ކަމަށް އައްޑޫ ސިޓީގެ މޭޔަރު އަލީ ނިޒާރު ވިދާޅުވެއްޖެ އެވެ.

އައްޑޫގެ މަންޒަރު ބަދަލުކޮށްލުމުގެ އަމާޒުގައި މައިގަނޑު ހަ ކަމެއްގެ މައްޗަށް އެކުލެވޭ ތަސައްވުރެއް މިއަދު ސަރުކާރުން ވަނީ ލޯންޗު ކޮށްފަ އެވެ. ފޭދޫއަށް ނިސްބަތްވާ ހޯމްލޭންޑް ސެކިއުރިޓީ މިނިސްޓަރު އަލީ އިހުސާން ފޭސްބުކްގައި އެ ތަސައްވުރު ހިއްސާކުރުމުން ދެވަނަ ދައުރަކަށް އިދިކޮޅު މޯލްޑިވިއަން ޑިމޮކްރަޓިކް ޕާޓީ (އެމްޑީޕީ) ގެ ޓިކެޓުގައި ވާދަކުރައްވާ ނިޒާރު ވަނީ ފާޑުވިދާޅުވެފަ އެވެ.

"އައްޑޫ ސިޓީއެއްގެ ގޮތުގައި އޮންނަ އޮތުން ހަޖަމް ނުކުރެވި ޑރ. މުއިޒްގެ ސީދާ މަޝްވަރާގެ މަތިން އައްޑޫ ރޫޅާލުމަށް ފަހު އަދި އެ ކަމަށް މަސައްކަތް ކުރި މީހުން 'ދަ ގްރޭޓާ އައްޑޫ' ކިޔަނީ އޭގެ މާނަ އެނގިގެން ބާވައޭ ސުވާލު އުފެދޭ. މިއީ ހަމަ 'އިންޑިއާ އައުޓް' ކަހަލަ ބުހުތާން ދަންތުރައެއް،" ނިޒާރު އެކްސްގައި ލިޔުއްވި އެވެ.

މައުޟޫޢުތަށް