ޕީއެންސީ މަޖިލިސް މެންބަރުން ކެމްޕޭނުގައި އުޅުއްވާތީ މާދަމާއަށް ތާވަލުކުރި މަޖިލިސް ޖަލްސާ ކެންސަލްކޮށްފި
އަދަދު
8 ފެބްރުއަރީ 2026 | އާދިއްތަ | 11:36
ޕީއެންސީގެ މަޖިލިސް މެންބަރުން، ލޯކަލް ކައުންސިލް އިންތިހާބުގެ ކެމްޕޭނަށް ރާއްޖޭގެ އެކި ކަންކޮޅުގައި މި ވަގުތު ތިއްބެވުމުން މާދަމާ ހެނދުނަށް ތާވަލުކުރި މަޖިލީހުގެ ޖަލްސާ ކެންސަލްކޮށްފި އެވެ.
މި އަހަރުގެ ފުރަތަމަ ދައުރުގެ ދެވަނަ ޖަލްސާ މާދަމާ ހެނދުނަށް ތާވަލު ކޮށްފައިވާކަން މަޖިލީހުގެ އިދާރާއިން މެންބަރުންނަށް އެންގީ މިއަދު ހަވީރު އެވެ. ނަމަވެސް، މާދަމާގެ ޖަލްސާ، މާދަމާ ނޫން އަނެއް ދުވަހަށް ފަސްކޮށްފައިވާ ކަމަށް ބުނެ މިރޭ 11:15 ހާއިރު ވަނީ މެންބަރުންނަށް އަންގާފަ އެވެ.
މި ނޫހާ ވާހަކަދެއްކެވި މަޖިލިސް މެންބަރަކު ވިދާޅުވީ މާދަމާއަށް ތާވަލުުކުރި މަޖިލިސް ޖަލްސާ ފަސްކުރީ ޕީއެންސީގެ ބައެއް މަޖިލިސް މެންބަރުން ކައުންސިލް އިންތިހާބުގެ ކެމްޕޭނަށް ރާއްޖޭގެ އެކި ކަންކޮޅުގައި ތިބުމުން ކަމަށެވެ.