ސަރުކާރުގެ ވަޒީފާއަށް އެކަނި ބަރޯސާކޮށްގެން ރައްޔިތުން ނިކަމެތިކޮށްލައިފި: ޝާހިދު
އަދަދު
11 ފެބްރުއަރީ 2026 | ބުދަ | 9:55
ސަރުކާރުގެ ކުންފުނިތަކުން އޮބިނޯންނަވަރަށް ރައްޔިތުންނަށް ވަޒީފާތައް ދީ، އެ ވަޒީފާއަށް ބަރޯސާކޮށްގެން ރައްޔިތުން ނިކަމެތިކޮށްލައިފި ކަމަށް އިދިކޮޅު އެމްޑީޕީގެ ރައީސް އަބްދުﷲ ޝާހިދު ރޭ ވިދާޅުވެއްޖެ އެވެ.
އެމްޑީޕީން ކުޅުދުއްފުށި ސިޓީގައި ބޭއްވި ޖަލްސާގައި ޝާހިދު ވިދާޅުވީ ސިޓީތަކާއި ރަށްރަށުގައި ހިތްވަރާއެކު މަަސައްކަތްކުރަމުންދިޔަ ރައްޔިތުންނަށް ސަރުކާރުގެ ކުންފުނިތަކުން ވަޒީފާދީ ރައްޔިތުން ނިކަމެތިކޮށްލައި، ފުނޑުފުނޑުކޮށްލާފައިވާ ކަމަށެވެ.
"ސަރުކާރުގެ ކުންފުނިތަކުން އޮބިނޯންނަހާ ގިނަ ވަޒީފާ މީހުންނަށް ދެއްވާ. ސިޓީތަކުގައި، ރަށްރަށުގައި ހިތްވަރާއެކު މަސައްކަތްކުރަމުން ގެންދިޔަ މީހުންގެ މަސައްކަތްތައް މުޅި އިގްތިސޯދު ހަރާބުކޮށްލައި ހަލާކުކޮށްލާފައި މުޅިން ސަރުކާރުގެ ވަޒީފާގެ މުސާރައަށް އެކަނި ބަރޯސާކޮށްގެން މީހާ، އިންސާނާ، ދިވެހި ރައްޔިތު މީހާ ނިކަމެތިކޮށްލަނީ. ފުނޑުފުނޑުކޮށްލަނީ،" ޝާހިދު ވިދާޅުވި އެވެ.