ރޯދަ ހަދިޔާއަށް ދޭ މަސްދަޅު ކޭސް ބެހުން މިއަދު ހުއްޓާލަނީ
އަދަދު
11 ފެބްރުއަރީ 2026 | ބުދަ | 1:19
ރޯދަ ހަދިޔާގެ ގޮތުގައި ސަރުކާރުން ކޮންމެ ގޭބިސީއަކަށް ދޭ މަސްދަޅު ކޭސް ގްރޭޓާ މާލެ ސަރަހައްދަށް ބެހުން މިއަދު ހުއްޓާލާނެ ކަމަށް ލޯކަލް ގަވަމަންޓް މިނިސްޓްރީން މިއަދު ބުނެފި އެވެ.
މިދިޔަ މަހުގެ 24، އިން ފެށިގެން ބަހަމުންދާ މަސްދަޅު ކޭސްތައް މިއަދުން ފެށިގެން ބެހުން ހުއްޓާލަނީ އެކަން މީގެ ދެ ދުވަސް ކުރިން އިއުލާންކުރުމަށްފަހު އެވެ.
މާލެ ސަރަހައްދުން މަސްދަޅު ކޭސް ދޫކުރަމުންދަނީ ޖުމްލަ 14 މަރުކަޒަކުންނެވެ. މަސްދަޅު ކޭސް ހޯދުމަށް މިނިސްޓްރީގެ ޕޯޓަލް މެދުވެރިކޮށް ޓޯކަން ނެގޭނެ އިންތިޒާމު ވަނީ ހަމަޖައްސާފަ އެވެ.