އެޑިއުކޭޝަން މިނިސްޓްރީ އިން މުވައްޒަފުންގެ ޕެންޝަނަށް ފައިސާ ޖަމާ ނުކުރާ މައްސަލައެއް ފެންމަތިވެއްޖެ
އަދަދު
11 ފެބްރުއަރީ 2026 | ބުދަ | 8:46
އެޑިއުކޭޝަން މިނިސްޓްރީގެ މުވައްޒަފުންގެ ޕެންޝަނަށް އެ މިނިސްޓްރީ އިން ފައިސާ ޖަމާނުކުރާތާ ހަ މަސްދުވަސް ފާއިތުވެއްޖެ އެވެ.
މުވައްޒަފުގެ އަތުން ޕެންޝަނަށް ކަނޑަނީ އަސާސީ މުސާރައިގެ ހަތް ޕަސެންޓެވެ. ހަމަ އެ އަދަދު އެ މުވައްޒަފަށް ވަޒީފާ ދޭ ފަރާތުން ވެސް ދައްކަންޖެހެ އެވެ.
އެނގިފައިވާ ގޮތުގައި އެޑިއުކޭޝަން މިނިސްޓްރީ މުވައްޒަފުންގެ އަތުން ކަނޑާ ބައި ޕެންޝަނަށް ދައްކަ އެވެ. ނުދައްކަނީ މިނިސްޓްރީ އިން ދައްކަން ޖެހޭ ބަޔެވެ. ބައެއް މުވައްޒަފުންގެ ޕެންޝަން އެކައުންޓުން އެކަން ހާމަވެ އެވެ.