ކައުންސިލް އިންތިހާބުގައި ވާދަކުރާ ކެންޑިޑޭޓުންގެ ގުރު ނަގައިފި
އަދަދު
12 ފެބްރުއަރީ 2026 | ބުރާސްފަތި | 1:19
އަންނަ އެޕްރީލް 4، ގައި ބާއްވާ ލޯކަލް ކައުންސިލްތަކުގެ އިންތިހާބާއި އަންހެނުންގެ ތަރައްގީއަށް މަސައްކަތްކުރާ ކޮމިޓީ (ޑަބްލިއުޑީސީ) އިންތިހާބުގައި ވާދަކުރާ ކެންޑިޑޭޓުންގެ ނަންތައް ތަރުތީބުކުރުމުގެ ގުރުއަތުލުން މިއަދު ބާއްވައިފި އެވެ.
ކެންޑިޑޭޓުންގެ ގުރުއަތުލުން ކުރިއަށްގެންދިޔައީ މާލެ ސިޓީ ފިޔަވައި އެހެން ތަންތަނުގައި ކުރިއަށްގެންދިޔައީ ކައުންސިލް އިދާރާ ނުވަތަ ކައުންސިލް އިދާރާއިން ކަނޑައެޅި ތަނެއްގަ އެވެ. މާލެ ސިޓީގެ ގުރުއަތުލުން ކުރިއަށްގެންދިޔައީ އިންތިހާބާ ބެހޭ މަރުކަޒުގެ ޓްރެއިނިން ހޯލުގަ އެވެ.
ލޯކަލް ކައުންސިލްތަކުގެ އިންތިހާބުގައި މާލޭގެ މޭޔަރު ކަމަށް ކުރިމަތިލެއްވީ ޖުމްލަ ފަސް ކެންޑިޑޭޓުންނެވެ. އަދި މާލޭ ސިޓީގެ ޑަބްލިއުޑީސީގެ ރައީސަކަށް ތިން ކެންޑިޑޭޓުން ކުރިމަތިލެއްވި އެވެ.