ނ. ކުޑަފަރީގެ ހިތްގައިމު މާހައުލުގައި އިއްޔެ ހުޅުވި އާ މިސްކިތަކީ، ދިވެހިރާއްޖޭގެ މިސްކިތްތައް ބިނާކުރުމުގެ ފަންނަށް އައި އާދަޔާހިލާފު ދިރުމެކެވެ. ރާއްޖޭގެ މަޝްހޫރު ވިޔަފާވެރިޔާ އަހުމަދު ސިޔާމް މުހައްމަދު، އޭނާގެ ބައްޕަގެ ހަނދާނުގައި އުފަން ރަށުގައި ބިނާކުރެއްވި މި މިސްކިތް (މަސްޖިދު މުހައްމަދު ޤާސިމް) އަކީ ދިވެހީންގެ ކާބަފައިންގެ މަސައްކަތްތެރިކަމާއި، އަދުގެ ޒަމާނީ ފަރުމާ އާއި ދިވެހި ފަންނުވެރިކަން ފުރިހަމައަށް ގުޅުވާލާފައިވާ ބިނާއެކެވެ. މި މިސްކިތުގެ ނަން ނިސްބަތްކޮށްފައި ވަނީ ސިޔާމްގެ ބައްޕަ އަށެވެ.

ސަތޭކަ ފަންސާސް މީހުންގެ ޖާގައިގެ މި މިސްކިތް ހުޅުވުމާ ގުޅިގެން އިސްލާމިކް މިނިސްޓްރީން ބުނެފައި ވަނީ މިއީ ދިވެހީންގެ ގަދީމީ ތާރީހާއި ސަގާފަތް ވަރަށް ފާޅުކަން ބޮޑު ގޮތެއްގައި ފެންނަން ހުރި ބިނާއެއް ކަމަށެވެ.

ހާއްސަކޮށް، ރާއްޖޭގެ އާސާރީ މިސްކިތްތަކުން ފެންނަ ހިރިގަލުގެ ވަޑާމާއި، ލަކުޑީގެ މަސައްކަތްތަކުގެ އިތުރުން ލިޔެލާޖެހުމުގެ މުއްސަނދިކަން މި މިސްކިތުން އާދަޔާހިލާފު ފުރިހަމަކަމަކާއެކު ފެނިގެންދެއެވެ.

މައުޟޫޢުތަށް