މާލޭ ސިޓީ ކައުންސިލުން މާލޭގެ މަގުތަކުގެ ނަން ބޯޑުތައް ހަދާށާއި މަގުތައް މަރާމާތުކުރަން ބޭނުންވާ އެޅިގާ ގަންނަން ހަތް މިލިއަން ރުފިޔާއަށް ވުރެ އަގު ބޮޑު ކޮންޓްރެކްޓުތަކެއްގައި ޑިސެމްބަރު މަހުގެ ތެރޭގައި ސޮއިކޮށްފި އެވެ.

މި ކޮންޓްރެކްޓުތަކުގެ މައްސަލައަށް ސަމާލުކަން ލިބުނީ މާލެ ސިޓީގެ މޭޔަރުކަމަށް އަމިއްލަ ގޮތުން ވާދަކުރައްވާ އަހުމަދު އައިހަމް (ކެނާ) ސޯޝަލް މީޑިއާގައި މިކަން ތިލަކުރުމާ ގުޅިގެންނެވެ.

އައިހަމް ވަނީ މާލޭ ސިޓީ ކައުންސިލުން ޑިސެމްބަރުގައި ސޮއިކުރި ތިން ކޮންޓްރެކްޓެއް ފާހަގަކޮށްފަ އެވެ. އޭނާ ވަނީ މި ތިން ކޮންޓްރެކްޓާ ގުޅޭ ބީލަމުގެ ތަފުސީލުތަކާއި ޑިޒައިން ހިއްސާކޮށްދޭން އާރުޓީއައިގެ ޒަރިއްޔާއިން ސިޓީ ކައުންސިލުގައި އެދިފައިވާ ކަމަށް ބުނެފަ އެވެ.

މައުޟޫޢުތަށް