އެޕްސްޓީންގެ މައްސަލައިގައި ހައްޔަރުކުރި މެންޑެލްސަން ކަފާލާތުގެ ދަށުން ދޫކޮށްލައިފި
އަދަދު
24 ފެބްރުއަރީ 2026 | އަންގާރަ | 11:08
ދައުލަތުގެ މަގާމެއްގައި ހުރެ ނުފޫޒު ބޭނުންކޮށްގެން ނާޖާއިޒު ފައިދާ ހޯދައިދިން ކަމުގެ ތުހުމަތުގައި އިއްޔެ ހައްޔަރުކުރި އިނގިރޭސިވިލާތުގެ ކުރީގެ ވަޒީރު އަދި ސަފީރު ލޯޑް މެންޑެލްސަން، ހައްޔަރުކުރިތާ މަދު ގަޑިއިރުތަކެއްގެ ތެރޭގައި ކަފާލާތުގެ ދަށުން ދޫކޮށްލައިފި އެވެ.
މެޓްރޯޕޮލިޓަން ޕޮލިހުންް ބުނި ގޮތުގައި އުމުރުން 72 އަހަރުގެ މެންޑެލްސަން ދޫކޮށްލި ނަމަވެސް މައްސަލައިގެ ތަހުގީގު ކުރިއަށް ގެންދާނެ އެވެ. އޭނާ ހައްޔަރުކުރީ އުތުރު ލަންޑަނުގެ ކެމްޑަންގައި ހުންނަ އޭނާގެ ގޭގައި ހުއްޓަ އެވެ.
ފުލުހުން ވަނީ މެންޑެލްސަންގެ ދެ ގެއެއް ބަލައި ފާސްކޮށްފަ އެވެ.