ރިސޯޓުތަކާއި ވިޔަފާރިތަކުން ނުދައްކާ ހުރި 13 ބިލިއަން ރުފިޔާ ހޯދަން ކުރި މަސައްކަތެއް ކިޔައި ނުދެވުނު
އަދަދު
24 ފެބްރުއަރީ 2026 | އަންގާރަ | 11:53
ރައީސް މުހައްމަދު މުއިއްޒު ވިދާޅުވި ގޮތަށް، ރިސޯޓުތަކާއި ވިޔަފާރިތަކުން ބިމު ކުއްޔާއި ޓެކްސްގެ ގޮތުގައި ދައްކަން ޖެހި ނުދައްކާ ހުރި 13 ބިލިއަން ރުފިޔާ ހޯދަން ކުރި މަސައްކަތެއް ސަރުކާރަށް ކިޔައި ނުދެވުނެވެ.
އެ ފައިސާ ހޯދަން ސަރުކާރުން ކުރި މަސައްކަތްތަކާ ގުޅޭގޮތުން ރައީސް އޮފީހުގެ ތަރުޖަމާން ހީނާ ވަލީދަށް މި ނޫހުން ގުޅައި މެސެޖުކުރުމުން ވެސް އެއްވެސް އެއްޗެއް ބުނެފައެއް ނުވެ އެވެ.
މިދިޔަ އަހަރު ބޭއްވި މިނިވަން ދުވަހުގެ ޖަލްސާގައި މުއިއްޒު ވިދާޅުވީ ރިސޯޓުތަކާއި ވިޔަފާރިތަކުން ބިމު ކުއްޔާއި ޓެކްސްގެ ގޮތުގައި ނުދައްކާ ހުރި ފައިސާ ކޯޓަށް ގޮސްގެން ވިޔަސް ހޯދާނެ ކަމަށެވެ.