ވެމްކޯގެ މަސައްކަތުގެ މާހައުލު ރައްކާތެރިތޯ ބެލުމަށް އެޗްއާރްސީއެމްއިން އަވަސް ތަހުގީގެއް ފަށަނީ
އަދަދު
25 ފެބްރުއަރީ 2026 | ބުދަ | 11:23
ވޭސްޓް މެނޭޖްމަންޓް ކޯޕަރޭޝަން (ވެމްކޯ) ގެ މުވައްޒަފުން މަސައްކަތްކުރާ މާހައުލުގެ ރައްކާތެރިކަމާ ގުޅޭގޮތުން ތަކުރާރުކޮށް މައްސަލަތައް ކުރިމަތިވަމުންދާތީ، އެކަން ބެލުމަށް ހިއުމަން ރައިޓްސް ކޮމިޝަން (އެޗްއާރްސީއެމް) އިން އަވަސް ތަހުގީގެއް ހިންގަން ނިންމައިފިއެވެ.
ރޭ ބޭއްވި އެ ކޮމިޝަނުގެ ބައްދަލުވުމެއްގައި މިގޮތަށް ނިންމީ، ވޭތުވެދިޔަ ދެ މަސްދުވަހުގެ ތެރޭގައި މުވައްޒަފުންގެ ސަލާމަތާ މެދު ސުވާލު އުފެދޭ ތިން ހާދިސާއެއް ހިނގާފައިވާތީ ކަމަށް މި ނޫހަށް އެނގިފައިވެ އެވެ.
މި ހާދިސާތަކުގެ ތެރެއިން އެންމެ ނުރައްކާތެރި އެއް މައްސަލައަކީ، މިދިޔަ ޖެނުއަރީ 26 ވަނަ ދުވަހު ތިލަފުށީގައި ކުނި ނަގަން އުޅުމުގެ ތެރޭގައި ހައިމާކެއްގެ ދަތްގަނޑުން ޖެހި، ބަންގްލަދޭޝްގެ މުވައްޒަފެއް ކަމަށްވާ އަމީން މިއާ މަރުވި ހާދިސާއެވެ.