ޕެންޝަން އޮފީހުގެ ބޯޑަށް ޕްރައިވެޓް ސެކްޓާގެ ޝައުގު ކުޑަ، އަލުން ހުޅުވާލައިފި
އަދަދު
25 ފެބްރުއަރީ 2026 | ބުދަ | 9:36
ޕެންޝަން އޮފީހުގު ބޯޑުގައި ޕްރައިވެޓް ސެކްޓާ ތަމްސީލުކުރާ މެންބަރުންގެ ތެރެއިން ހުސްވެފައިވާ މަގާމަށް ކުރިމަތިލާން ހުޅުވާލި ފުރުސަތުގައި އެކަށީގެންވާ އަދަދަށް އެޕްލިކޭޝަން ނުލިބުމުން އެ މަގާމަށް ކުރިމަތިލާން އެ އޮފީހުން މިއަދު އަލުން ހުޅުވާލައިފި އެވެ.
ޕެންޝަން އޮފީހުގެ ބޯޑުގައި ޕްރައިވެޓް ސެކްޓާ ތަމްސީލުކުރަން ހަތަރު މެންބަރުން ތިބެ އެވެ. ނަމަވެސް އެ އޮފީސް މެދުވެރިކޮށް ހިންގަން އުޅޭ ބޮންޑު ގަނެވިއްކުމުގެ މުއާމަލާތާ ގުޅިގެން އެ ހަތަރު މެންބަރުންގެ ތެރެއިން ދެ މެންބަރަކާއި އެ ބޯޑުގެ ޗެއާމަނާއި ބޯޑުގެ އިތުރު މެންބަރަކާއި ސީއީއޯ އާއި ސީއެފްއޯ ވަނީ މަގާމުން އިސްތިއުފާ ދީފަ އެވެ.
ޕްރައިވެޓް ސެކްޓާ ތަމްސީލުކުރަން ޕެންޝަން ބޯޑުގައި ތިބި މެންބަރުންގެ ތެރެއިން ބޮންޑު މުއާމަލާތުގެ މައްސަލައިގައި ފުރަތަމަ އިސްތިއުފާ ދެއްވީ، މިދިޔަ އަހަރުގެ އޮކްޓޫބަރު 22 ގައި އެ މަގާމު ދޫކޮށްލެއްވި އަހުމަދު ސަރުވަޝް އާދަމް އެވެ.