އައްބާސްގެ ވަރުގަދަ ރައްދެެއް: މުއިއްޒު ވަރުގެ މަކަރުވެރި، ދޮގުވެރި، ހީލަތްތެރި ރައީސްއަކު މިގައުމު ދެކެފައެއް ނެތް, ތައުބާވޭ!
އަދަދު
27 ފެބްރުއަރީ 2026 | ހުކުރު | 10:16
ރާއްޖޭގެ 57 ރަށެއްގައި ތަރައްގީގެ މަޝްރޫއުތައް ހުއްޓިފައިވަނީ ރަށު ކައުންސިލްތަކުން ބިން ހަވާލު ނުކޮށްގެން ކަމަށް ރައީސް މުހައްމަދު މުއިއްޒު ރޭ ވިދާޅުވި ވާހަކައަކީ "ކަނޑައެޅިގެން ބޮޑު ދޮގެއް" ކަމަށް ވެލިދޫ ދާއިރާގެ މެންބަރު މުހައްމަދު އައްބާސް ވިދާޅުވެއްޖެ އެވެ.
އައްބާސް އެކްސްގައި ކުރެއްވި ޕޯސްޓެއްގައި ވިދާޅުވީ މިހާރު ފެންނަމުން މިދަނީ ކުރިއަށް އޮތް ކައުންސިލް އިންތިހާބު ކާމިޔާބު ކުރުމަށްޓަކައި، ރައްޔިތުން އިންތިހާބުކޮށްފައިވާ ރަށު ކައުންސިލްތައް ބަދުނާމުކުރުމަށް މުއިއްޒު މަސައްކަތް ކުރައްވާ މަންޒަރު ކަމަށެވެ.
ލާމަރުކަޒީ ގާނޫނަށް ގެނެސްފައިވާ އިސްލާހުތަކުގެ ސަބަބުން، މަޝްރޫއުތައް ހުއްޓުވުމުގެ ބާރު ކައުންސިލްތަކަށް ނޯންނާނެކަން ފާހަގަކުރައްވައި، އައްބާސް ވިދާޅުވީ ރައީސް ހައްދަވަނީ ދޮގެއްކަން އެކަމުންވެސް ސާބިތުވާނެ ކަމަށެވެ.