މާލެ ސިޓީ ކައުންސިލުގެ ޖަލްސާތަކަށް ގަވާއިދުން ހާޒިރު ނުވާތީ އެ ކައުންސިލުގެ ޑެޕިއުޓީ މޭޔަރު، މުހައްމަދު އަރީޝްއަށް ލިޔުމުން ނަސޭހަތް ދީފި އެވެ.

މާލޭގެ މޭޔަރު، އާދަމް އާޒިމް ސޮއިކުރައްވައި އަރީޝްއަށް ފޮނުއްވި ނަސޭހަތުގެ ލިޔުމުގައި ބުނެފައި ވަނީ، މަގުބޫލު އުޒުރެއް ނެތި އެ ކައުންސިލުގެ އަށް ޖަލްސާއަށް އަރީޝް ހާޒިރުވެފައި ނުވާ ކަމަށެވެ.

"ކައުންސިލްގެ ޖަލްސާތަކަށް ހާޒިރުވުމަށް ނަސޭހަތްތެރިވަމެވެ. އަދި ކުރިއަށް އޮތް ތަނުގައި މިފަދަ ކަމެއް ތަކުރާރު ނުކުރުމަށް ވެސް ނަސޭހަތްދެމެވެ. އަދި، މިފަދަ ކަމެއް ތަކުރާރުކޮށްފި ނަމަ، އިތުރު އިންޒާރެއް ދިނުމަކާނުލައި ފިޔަވަޅު އަޅައިދިނުމަށް އެދި ލޯކަލް ގަވަމެންޓް އޮތޯރިޓީއަށް ފޮނުވާނެކަމުގައި ވެސް އަންގަން،" އަރީޝްއަށް ފޮނުވި ނަސޭހަތުގެ ލިޔުމުގައި ބުނެފައިވެ އެވެ.

މައުޟޫޢުތަށް