މޮރިޝަސް އިން ރާއްޖެއާ ގުޅުން ކަނޑާލި މައްސަލައިގައި ސަރުކާރުގެ ބަހެއް ނެތް
އަދަދު
28 ފެބްރުއަރީ 2026 | ހޮނިހިރު | 2:58
މޮރިޝަސް އިން ދިވެހިރާއްޖެއާއެކު ބޭއްވި ހާރިޖީ އަދި ސިޔާސީ ގުޅުން ކަނޑައިލި މައްސަލައިގައި ސަރުކާރުން އެއްޗެއް ނުބުންޏެވެ.
މޮރިޝަސް އިން ދިވެހިރާއްޖެއާ ޑިޕްލޮމެޓިކް ގުޅުން ކަނޑާލީ ޗާގޯސްގެ ސިޔާދަތީ ލިބެނީ އެ ގައުމަށް ކަމަށް ކަނޑައަޅައި ބައިނަލްއަގްވާމީ ކޯޓުތަކުން ނިންމާފައިވާ ނިންމުންތަކަށް ބޯނުލަނބާނެ ކަމަށް ރައީސް މުހައްމަދު މުއިއްޒު ވިދާޅުވުމުންނެވެ.
އޭގެ އިތުރުން، މޮރިޝަސްއަށް ޗާގޯސް ދޭން އިނގިރޭސިވިލާތުން ނިންމާފައިވާ ނިންމުމާ ދެކޮޅު ހަދައި، އެ ނިންމުން ތަންފީޒުވިޔަ ނުދޭން ރާއްޖެއިން އެކި ގޮތް ގޮތުން މަސައްކަތް ކުރުމަކީ ވެސް ޑިޕްލޮމެޓިކް ގުޅުން ކަނޑާލަން ޖެހުނު ސަބަބެއް ކަމަށް މޮރިޝަސް އިން ބުނެ އެވެ.