ޖިހާދުގެ މަސްލަހަތު އޮންނަ ކުންފުންޏަކުން އަދިވެސް ރޯދަ އެލަވަންސް ނުދޭ
އަދަދު
28 ފެބްރުއަރީ 2026 | ހޮނިހިރު | 9:22
ކުރީގެ ނައިބުރައީސް އަބްދުﷲ ޖިހާދުގެ މަސްލަހަތު އޮންނަ ސެކިއުރިޓީގެ ހިދުމަތްތައް ފޯރުކޮށްދޭ އޭޖޭ އެންޓަޕްރައިޒަސް އިން އަދިވެސް ރޯދަ އެލަވަންސް ނުދޭކަން އެނގިއްޖެ އެވެ.
އޭޖޭ އެންޓަޕްރައިޒަސްގެ މުވައްޒަފަކު އަދަދު އަށް ބުނީ ރޯދަ މަސް ފެށިގެން 11 ވަނަ ރޯދައާ ކުރިމަތިލީއިރުވެސް މުވައްޒަފުންނަށް ރޯދަ އެލަވަންސް ނުދޭ ކަމަށެވެ.
"މިހާރު މިއަދު މިއީ ރޯދަ މަހުގެ 11 ވަނަ ދުވަސް. އަދިވެސް ރޯދަ އެލަވަންސް ނުދޭ. ރޯދަ އެލަވަންސް ދޭނެ ދުވަހެއްވެސް ކުންފުނިން ނުބުނޭ،" އޭނާ ބުންޏެވެ.