އައިޓީބީގައި ރާއްޖޭގެ ގިނަ ވިޔަފާރިވެރިންނަށް ބައިވެރިނުވެވިދާނެ ކަމުގެ ބިރު!
އަދަދު
28 ފެބްރުއަރީ 2026 | ހޮނިހިރު | 8:45
އިރާނު ހަނގުރާމައިގެ ސަބަބުން ބައިނަލްއަގުވާމީ ވައިގެ ދަތުރުފަތުރަށް ބުރޫ އަރާފައިވާތީ، މާޗު 3 ގައި ޖަރުމަނުވިލާތުގެ ބާލިންގައި ފަށާ އައިޓީބީގައި ދިވެހި ސަރުކާރުގެ ވަފުދާއި ރާއްޖޭގެ ގިނަ ވިޔަފާރިވެރިންތަކަކަށް ބައިވެރިނުވެވިދާނެ އެވެ.
ދޯހާ މަގުން ބާލިން އަށް ދިޔުމަށް ދަތުރުކުރި ބައެއް ވިޔަފާރިވެރިން ދޯހާ އެއާޕޯޓުގައި މިހާރު ވެސް ތާށިވެފައި އެބަ ތިއްބެވެ.
"އަޅުގަނޑުމެންނަށް އަދި ނޭނގެ ކޮން އިރަކު ކަމެއް [ބާލިންއަށް] ފުރޭނީ. އެއާޕޯޓުގައި މި ތިބީ. އަށެއްކަ ދިވެހިން އެބަ އުޅޭ،" ދޯހާ އެއާޕޯޓުގައި ތާށިވެފައި ހުރި ޓޫރިޒަމް ދާއިރާގެ އިސް ބޭފުޅަކު އަދަދު ނޫހަށް ވިދާޅުވި އެވެ.