ސަރުކާރުގެ އަންދާޒާގައި ހަނގުރާމައިގެ ސަބަބުން 35 ޕަސެންޓު ޓޫރިސްޓުންނަށް އަސަރުކުރާނެ
އަދަދު
1 މާރިޗު 2026 | އާދިއްތަ | 4:28
މެދުއިރުމަތީގައި އިއްޔެ ފެށި ހަނގުރާމައާ ގުޅިގެން ރާއްޖޭގެ ޓޫރިޒަމަށް ބޮޑު ލޮޅުމެއް އަރާނެ ކަމަށް ބެލެވޭއިރު ދުވާލެއްގެ މައްޗަށް އަންނަ ޓޫރިސްޓުންގެ ތެރެއިން 35 ޕަސެންޓު މީހުންނަށް އަސަރު ކުރުމުގެ ފުރުސަތު އޮތް ކަމަށް ޓޫރިޒަމް މިނިސްޓަރު ތޯރިގު އިބްރާހިމް ވިދާޅުވެއްޖެ އެވެ.
ރާއްޖެއަށް އެންމެ ގިނައިން ޓޫރިސްޓުން ޒިޔާރަތްކުރާ މައިގަނޑު ދެ ޓްރާންސިޓް ހަބް ކަމުގައިވާ ދުބާއީ އާއި ދޯހާގެ އެއާޕޯޓުތަކުގެ އޮޕަރޭޝަންތައް ވަނީ ހުއްޓާލާފަ އެވެ.
ހަމައެހެންމެ، މެދުއިރުމަތީގެ ބޮޑެތި އެއާލައިންތަކުގެ ދަތުރުތައް ވަނީ އެއްކޮށް ހުއްޓާލާފަ އެވެ. އެމިރޭޓްސް، ގަތަރު އެއާވޭސް، އެތިހާދު، ފްލައި ޑުބާއީ ފަދަ އެއާލައިންތަކަކީ ރާއްޖެއަށް އެންމެ ގިނަ ޓޫރިސްޓުން ގެންނަ އެއާލައިންތަކެވެ.