ހުލާސާކޮށް އިއްޔެ: ޚާމަނާއީ އަވަހާރަކޮށްލުން ކުށްވެރިކުރަން މުއިއްޒަށް ކެރިވަޑައިނުގަތް
އަދަދު
3 މާރިޗު 2026 | އަންގާރަ | 7:38
އެމެރިކާ އާއި އިޒްރޭލުން ގުޅިގެން އިސްވެ އިރާނަށް ދިން ހަމަލާތަކުގައި އެ ގައުމުގެ ރޫހާނީ ލީޑަރު، އާޔަތުالله ޚާމަނާއީ އަވަހާރަކޮށްލުމުން އެކަން ކުށްވެރިކުރަން ރައީސް މުހައްމަދު މުއިއްޒު އިއްޔެ އިންކާރު ކުރެއްވި އެވެ.
ރައީސް އޮފީހުގައި ބޭއްވި ނޫސްވެރިންގެ ބައްދަލުވުމުގައި ނޫސްވެރިން ވަނީ ޚާމަނާއީ އަވަހާރިކޮށްލި މައްސަލައިގައި ދިވެހި ސަރުކާރު ހިމޭނުން އޮތީ ކީއްވެތޯ އާއި އެކަން ކުށްވެރި ނުކުރައްވާނެތޯ ތަކުރާރުކޮށް ސުވާލުކޮށްފަ އެވެ. ނަމަވެސް އެ ސުވާލުތަކަށް ޖަވާބުދެއްވުމަށް އިންކާރު ކުރައްވައި އެމަނިކުފާނު ވާހަކަދެއްކެވީ މުޅީން އެހެން މައުލޫއެއްގަ އެވެ.
"މި ހަނގުރާމައިގައި ހަމަ މަރުވާ ކޮންމެ މުސްލިމަކީ އަޅުގަނޑުމެންނަށް ލިބިގެންދާ ވަރަށް ބޮޑު ސުވާލެއް،" ޚާމަނާއީ އަވަހާރަވުމަކީ ހިތާމައެއްތޯ ސުވާލު ކުރުމުން އެކަމަށް ސީދާ ޖަވާބެއް ދެއްވުމަށް އިންކާރުކޮށް މުއިއްޒު ވިދާޅުވި އެވެ.