މެދުއިރުމަތިން ޖަޕާނުގެ ރައްޔިތުން ސަލާމަތް ކުރަން އަސްކަރީ ބޯޓެއް ރާއްޖޭގައި ތައްޔާރީ ހާލަތުގައި
އަދަދު
8 މާރިޗު 2026 | އާދިއްތަ | 11:34
ހަނގުރާމައާ ގުޅިގެން މެދުއިރުމަތީގައި ތާށިވެފައި ތިބި ޖަޕާނުގެ ރައްޔިތުންގެ ސަލާމަތް ކުރުމުގެ މިޝަންއެއްގައި ޖަޕާނުގެ އަސްކަރީ ބޯޓެއް ރާއްޖެއަށް ދަތުރު ފަށައިފި އެވެ.
ޖަޕާނުން ރާއްޖެއަށް ފޮނުވީ ކޭސީ-767 މަރުކާގެ އަސްކަރީ މަތިންދާބޯޓެކެވެ. އެއީ އެއްވެސް ހަތިޔާރެއް ހަރުކޮށްފައި ނުވާ، މީހުންނާއި މުދާ އުފުލުމަށާއި ޖައްވުގައި ރިފިއުލް ކުރަން ހާއްސަކޮށް ހަދާފައިވާ ބޮއިންގެ ބޯޓެކެވެ.
ޖަޕާނުގެ ނޫސްތަކުން ބުނެފައި ވަނީ ރާއްޖެއަށް ފޮނުވި މަތިންދާބޯޓު އޮންނާނީ އެމަޖެންސީ ހާލަތެއްގައި ހަރަކާތްތެރިވާން ތައްޔާރަށް ކަމަށެވެ. އެ ބޯޓުގެ ބޭނުމަކީ ޖަޕާނުގެ ސަރުކާރުން މެދުއިރުމައްޗަށް ހަމަޖައްސާ ޗާޓާޑް ފްލައިޓުތައް ކެންސަލްވެއްޖެ ހާލަތެއްގައި އެހީތެރިކަން ފޯރުކޮށްދިނުމެވެ.