އެމެރިކާ އާއި އިޒްރޭލުން އިރާނަށް ދެމުންދާ ހަމަލާތައް ކުށްވެރިކޮށް ފޮރިން މިނިސްޓްރީން އެންމެފަހުން ބަޔާނެއް ނެރެފި
އަދަދު
10 މާރިޗު 2026 | އަންގާރަ | 7:29
އެމެރިކާ އާއި އިޒްރޭލުން އިރާނަށް ބޮން އަޅައި ފެށި ހަނގުރާމައަށް 10 ދުވަސްވެފައި ވަނިކޮށް އެންމެފަހުން ރާއްޖޭގެ ފޮރިން މިނިސްޓްރީން އެ ހަމަލާތައް ކުށްވެރިކޮށް ރަސްމީ ބަޔާނެއް ނެރެފި އެވެ.
ޒްރޭލާއި އެމެރިކާއިން އިރާނަށް ދިން ހަމަލާތައް ރާއްޖޭން ކުށްވެރި ނުކުރާތީ ރައީސް މުހައްމަދު މުއިއްޒު މާޗު ދޭއްގައި ބޭއްވި ނޫސްވެރިންގެ ބައްދަލުވުމުގައި ގިނަ ސުވާލުތަކެއް އަމާޒުވި އެވެ. އޭރު ވެސް ސަރުކާރުން މި ހަމަލާތައް ރަސްމީކޮށް ކުށްވެރިކޮށްފައެއް ނުވެ އެވެ.
އެ ދުވަހު މުއިއްޒު ވިދާޅުވީ އިޒްރޭލާއި އެމެރިކާއިން ދޭ ހަމަލާތައް ގޯސް ކަމަށާއި "ހުރިހާ ފަރާތެއް ވެސް ގޯސް" ކަމަށެވެ. އިރާނުން ރައްދުގައި އަރަބި ގައުމުތަކަށް ދެމުންދާ ހަމަލާތަކާ ދެކޮޅުކަން އެ ދުވަހު މުއިއްޒު ހާމަކުރެއްވި އެވެ.