ވަޅި ހިފައިގެން ގޮސް އެއާޕޯޓުން ފައިސާ ދަބަހެއް ފޭރުނު މީހުންގެ މައްޗަށް ދައުވާ އުފުލައިފި
އަދަދު
11 މާރިޗު 2026 | ބުދަ | 6:34
ވަޅި ހިފައިގެން ގޮސް ވެލާނާ އިންޓަނޭޝަނަލް އެއާޕޯޓުން ފައިސާ ދަބަހެއް ފޭރިގަތް މީހުންގެ މައްޗަށް ދައުލަތުން ދައުވާ އުފުލައިފި އެވެ.
އެ މައްސަލައިގައި ތިން މީހެއްގެ މައްޗަށް ޕްރޮސެކިއުޓާ ޖެނެރަލްގެ އޮފީހުން ފޭރުމުގެ ދައުވާ އުފުލި އެވެ. އެއީ ތ. ވިލުފުށި، އެހީވާގެ، އަހުމަދު މާހިދާއި ސ. ހިތަދޫ، ވަށަގުލިމާގެ، އަލީ އަފްޒަލް އާއި ގއ. ވިލިނގިލި، ބިނާ، އަބްދުލްއައްވަލް އިބްރާހީމް އަބޫބަކުރެވެ.
އޭގެ އިތުރުން، ތޫނު އެއްޗަކުން ބިރު ދެއްކުމުގެ ކުށުގެ ދައުވާ އާއި މަގުބޫލު ސަބަބެއް ނެތި އާންމު ތަނެއްގައި ތޫނު އެއްޗެއް ގެންގުޅުމުގެ ދައުވާ ވެސް ދައުލަތުން އެމީހުންގެ މައްޗަށް އުފުލި އެވެ.