މެދުއިރުމަތީގައި މިހާރު ހަނގުރާމަ ކުރަމުންދާ ގޮތަށް ހަނގުރާމަ ކުރަމުން ގޮސްފިނަމަ، ކޮންމެ މަހަކު ދިވެހި ސަރުކާރުގެ އާމްދަނީއަށް 85 މިލިއަނާއި 100 މިލިއަން ޑޮލަރާ ދެމެދުގެ ބޮޑު ގެއްލުން ލިބެމުންދާނެ ކަމަށް ސަރުކާރުން މިއަދު ބުނެފި އެވެ.

ރައީސް އޮފީހުގައި ބޭއްވި ނޫސްވެރިންގެ ބައްދަލުވުމެއްގައި ފިނޭންސް މިނިސްޓަރު މުސާ ޒަމީރު ވިދާޅުވީ ދިވެހި ސަރުކާރުގެ އާމްދަނީއަށް އެ ގެއްލުން ލިބޭނެ ކަމަށް އަންދާޒާކުރީ ސަރުކާރުގެ ޓެކްނިކަލް ޓީމުން ކަމަށެވެ. އަދި، އެ އަންދާޒާއަކީ ރަނގަޅު އަންދާޒާއެއް ކަމަށް ވޯލްޑް ބޭންކުން ވެސް ބުނެފައިވާ ކަމަށް އޭނާ ވިދާޅުވި އެވެ.

"ގާތްގަނޑަކަށް ރެވެނިއު ލޮސް ކަމަށް އަޅުގަނޑުމެންނަށް މި އަންދާޒާ ކުރެވެނީ 85 މިލިއަނާއި 100 މިލިއަނާ ދޭތެރޭގައި، އެއް މަސް ދުވަހަށް މި ހަނގުރާމަ މިހާރު މިދާ އިންޓެންސިޓީގައި ގޮސްފި ކަމަށްވެއްޖެއްޔާ ލޮސްވުން އެބައޮތޭ ޑިރެކްޓް ސަރުކާރުގެ ރެވެނިއު. އެއީ އަޅުގަނޑުމެންގެ ޓެކްނިކަލް ޓީމުން މިހާރު އަންދާޒާކޮށްފައި،" ޒަމީރު ވިދާޅުވި އެވެ.

މައުޟޫޢުތަށް