ހަރަދުތައް ކުޑަކުރުމުގެ ބަދަލުގައި އިތުރު މުވައްޒަފުން ނަގާތީ ސަރުކާރަށް ޖަމީލް ފާޑުވިދާޅުވެއްޖެ
އަދަދު
14 މާރިޗު 2026 | ހޮނިހިރު | 10:10
މެދުއިރުމަތީގައި ކުރިއަށްދާ ބޮޑު ހަނގުރާމައަށް ބެލުމެއްނެތި ދައުލަތުގެ ހަރަދުތައް މިހާރަށް ވުރެ ވެސް އިތުރު ކުރާތީ ކުރީގެ ނައިބު ރައީސް ޑރ. މުހައްމަދު ޖަމީލް އަހުމަދު އެކަމަށް ފާޑުވިދާޅުވެއްޖެ އެވެ.
ދައުލަތުގެ މަގު ހަދާ ކުންފުނި ރޯޑް ޑިވެލޮޕްމަންޓް ކޯޕަރޭޝަނަށް 142 މުވައްޒަފުން ނަގަން އިއުލާނު ކުރުމުން، އެކްސްގައި ކުރެއްވި ޕޯސްޓެއްގައި ޖަމީލް ވިދާޅުވީ ސަރުކާރުގެ ފަރާތުން ފެންނަނީ ގައުމަށް ހިޔާނާތްތެރިވާ މަންޒަރު ކަމަށެވެ.
"މިފެންނަނީ މިނާޒުކު ދަނޑިވަޅުގައި ވެސް ގައުމާމެދު ހިޔާނާތްތެރިވާ ތަން،" ޖަމީލް ވިދާޅުވެފައިވެ އެވެ.