ކުދި ވިޔަފާރިތަކުން ބިދޭސީ މުވައްޒަފުންގެ ކޯޓާ ފީ ދައްކަން ނުޖެހޭ ބިލު ތަސްދީގުކޮށްފި
އަދަދު
14 މާރިޗު 2026 | ހޮނިހިރު | 11:42
ކުދި އަދި މެދުފަންތީގެ ވިޔަފާރިތަކުން ބިދޭސީ މުވައްޒަފުންގެ ކޯޓާ ފީ ދައްކަން ނުޖެހޭ ގޮތަށް ރައްޔިތުންގެ މަޖިލީހުން ފާސްކުރި ބިލު ރައީސް މުހައްމަދު މުއިއްޒު މިއަދު ތަސްދީގުކުރައްވައިފި އެވެ.
އެ ބިލުގައިވާ ގޮތުން ބިދޭސީ މުވައްޒަފުން ގެނައުމަށްޓަކައި ގާނޫނުގެ ދަށުން ދައްކަންޖެހޭ ކޯޓާ ފީ މުރާޖައުކޮށް، ކޯޓާ ފީ ދެއްކުމުގައި ބައެއް ފަރާތްތައް އިސްތިސްނާކުރެވެ އެވެ. އެގޮތަށް އިސްތިސްނާކުރަނީ ކޮން ބައެއްކަން ކަނޑައަޅާނީ ވަޒީރުންގެ މަޖިލީހުންނެވެ.
މިދިޔަ ފެބްރުއަރީ މަހު އިއްވި ރިޔާސީ ބަޔާނުގައި މުއިއްޒު ވިދާޅުވީ ވީ 20 އަށްވުރެ މަދުން ބިދޭސީން ގެންގުޅޭ ކުންފުނިތަކުން އަހަރީ ކޯޓާ ފީ ދައްކަން ނުޖެހޭ ގޮތަށް ގާނޫނު ބަދަލުކުރައްވާނެ ކަމަށެވެ. މި އިސްލާހު ފާސްކުރީ އެކަމަށް ފަހިކުރުމަށެވެ.