ކަރަންޓުން ދުވާ ކާރުތަކަށް ފެހި ނަންބަރު ބޯޑެއް ތައާރަފުކުރަނީ
އަދަދު
16 މާރިޗު 2026 | ހޯމަ | 11:39
ތިމާވެއްޓާ ރައްޓެހި އުޅަނދުތައް ދެނެގަންނަން ފަސޭހަކުރުމުގެ ގޮތުން އިލެކްޓްރިކް ވެހިކަލް (އީވީ) ނުވަތަ ކަރަންޓުން ދުވާ ކާރުތަކުގެ ނަންބަރު ބޯޑު ފެހި ކުލައަށް ބަދަލުކުރަން ނިންމާފައިވާ ކަމަށް ޓްރާންސްޕޯޓް މިނިސްޓަރު މުހައްމަދު އަމީން އިއުލާންކުރައްވައިފި އެވެ.
މިދިޔަ ހަފުތާގައި އަމީން ސޯޝަލް މީޑިއާގައި ހިއްސާކުރި ޕޯސްޓެއްގައި މިކަން އިއުލާންކުރައްވަމުން ވިދާޅުވީ މި ބަދަލަކީ ސާފުތާހިރު ދަތުރުފަތުރު ކުރިއެރުވުމަށާއި، ރައީސް މުހައްމަދު މުއިއްޒުގެ ކޮޕް29 ގައި އިއުލާންކުރެއްވި މޫސުމާ ބެހޭ ވައުދުތަކަށް ތާއިދުކުރާ އިސްނެގުމެއް ކަމަށެވެ.
އަމީން ހިއްސާކުރެއްވި މައުލޫމާތުގައިވާ ގޮތުގައި މި ގޮތަށް ބަދަލުކުރަނީ އެއްގަމުގައި ދުއްވާ އިންޖީނުލީ އުޅަނދު ރަޖިސްޓަރީކުރުމުގެ ގަވާއިދަށް ހަތް ވަނަ އިސްލާހު ގެނައުމުގެ ގަވާއިދުގައި އެވެ. މިއީ އަދި ގެޒެޓު ނުކުރާ ގަވާއިދެކެވެ.