އިރާނާ ދެކޮޅަށް ކުރާ ހަނގުރާމައަށް އެމެރިކާއިން 12 ބިލިއަން ޑޮލަރު ހޭދަކޮށްފި
އަދަދު
16 މާރިޗު 2026 | ހޯމަ | 8:53
އިރާނު ހަނގުރާމަ ފެށިފަހުން މިހާތަނަށް އެމެރިކާއިން 12 ބިލިއަން ޑޮލަރު ހޭދަވެފައިވާ ކަމަށް ވައިޓް ހައުސްގެ އިކޮނޮމިކް ކައުންސިލްގެ ޑިރެކްޓަރު ކެވިން ހެސެޓް ވިދާޅުވެއްޖެ އެވެ.
މި ހަނގުރާމައިގެ ސަބަބުން އެމެރިކާގެ އިގުތިސާދަށް ނުރައްކަލެއް އޮތް ކަމަށް ދެކެވޭ ވާހަކަތައް، ސީބީއެސް ގެ "ފޭސް ދަ ނޭޝަން" ޕްރޮގްރާމްގައި ވާހަކަ ދައްކަވަމުން ހެސެޓް ވަނީ ދޮގުކުރައްވާފައެވެ.
އޭނާ ވިދާޅުވީ އެމެރިކާއަކީ މިހާރު އަމިއްލައަށް ތެޔޮ އުފައްދާ ގައުމަކަށް ވުމުން، ދުނިޔޭގެ ތެލުގެ ބާޒާރަށް އަންނަ ލޮޅުންތަކުން ގައުމުގެ އިގްތިސާދަށް ބޮޑު ގެއްލުމެއް ނުވާނެ ކަމަށެވެ.