ފުރުސަތު ނުދޭތީ ޕީއެސްއެމްގެ އެމްޑީ ޝަކީބު އިސްތިއުފާ ދިނުމަށް އެމްޑީޕީން ގޮވާލައިފި
އަދަދު
16 މާރިޗު 2026 | ހޯމަ | 3:52
އަންނަ އެޕްރީލް 4، ގައި ރިޔާސީ އިންތިހާބާއި މަޖިލިސް އިންތިހާބު އެއްކޮށްލުމާ ގުޅޭގޮތުން ރައްޔިތުންގެ މެދުގައި ނަގާ ފެންނަ ނުފެންނަ ވޯޓު (ރެފެރެންޑަމް) އާ ގުޅިގެން މައުލޫމާތު ދިނުމަށް ޕަބްލިކް ސާވިސް މީޑިއާ (ޕީއެސްއެމް) އިން އިދިކޮޅު މޯލްޑިވިއަން ޑިމޮކްރެޓިކް ޕާޓީ (އެމްޑީޕީ) އަށް ފުރުސަތު ނުދޭތީ އެ ކުންފުނީގެ އެމްޑީ އަހްމަދު ޝަކީބުގެ އިސްތިއުފާއަށް ގޮވައިފި އެވެ.
އެމްޑީޕީގެ ހުރި ކަންބޮޑުވުންތައް ހިއްސާކުރަމަށް މިއަދު ޕީއެސްއެމްއަށް ދިޔުމުން ޝަކީބުއާ ބައްދަލުވާގޮތް ވަނީ ނުވެފަ އެވެ. އެއާއެކު ޕީއެސްއެމްގެ އިސްވެރިޔަކާ ބައްދަލުކުރުމަށް އެމްޑީޕީން މަސައްކަތް ކުރުމުން އެކަން ވެސް ކާމިޔާބުވާ ގޮތް ނުވުމުން ޝަކީބުގެ އިސްތިއުފާއަށް ގޮވީ އެވެ.
ޕީއެސްއެމްއަށް އެމްޑީޕީގެ ފަރާތުން ޕާޓީގެ ވަގުތީ ޗެއާޕާސަން އަބްދުލްޣަފޫރު މޫސާ އާއި ކައުންސިލް އިންތިހާބަށް އެ ޕާޓީން ކަނޑައަޅާފައިވާ ޑެޕިއުޓީ ކެމްޕެއިން މެނޭޖަރު އަލީ ނިޔާޒްގެ އިތުރުން ތަރުޖަމާން އަބްދުﷲ ވަހީދު އަދި ޕާޓީގެ ގައުމީ މަޖިލީހުގެ މެންބަރުން ބައިވެރިވި އެވެ.