ސްޓޭޓް ޓްރޭޑިން އޯގަނައިޒޭޝަން (އެސްޓީއޯ) ސަބްސިޑިއަރީ ކުންފުނި، ފިއުލް ސަޕްލައި މޯލްޑިވްސް (އެފްއެސްއެމް) އިން ޖެޓީތަކާއި ބައުޒަރުތަކުން ވިއްކާ ތެލުގެ އަގު ވަރަށް ބޮޑަށް ބޮޑުކުރުމާ ގުޅިގެން ރާއްޖޭގެ ރަށްރަށަށް ލޯންޗު ފެރީގެ ހިދުމަތްދޭ ކުންފުނިތަކުން ވިއްކާ ޓިކެޓުގެ އަގުތައް އުފުލިއްޖެ އެވެ.

މާލެ އާއި އަތޮޅުތެރެއާ ދެމެދު ދަތުރުކުރާ ގިނަ ލޯންޗުފަހަރުގައި ހުންނަ އިންޖީނަށް ބޭނުންކުރާ ޕެޓްރޯލް ލީޓަރެއްގެ އަގު ވަނީ 27.13ރ. މިއަދު ބޮޑުކޮށްފަ އެވެ. އަތޮޅު ތެރޭގެ ބައެއް ރަށްރަށުން ޕެޓްރޯލް ލީޓަރެއް މިހާރު ވިއްކަމުން އަންނަނީ 28ރ. އަށް ވުރެ ބޮޑުކޮށެވެ.

އަދަދު ނޫހުން ވާހަކަ ދެއްކި ބައެއް ފެރީ އޮޕަރޭޓަރުން ދިން މައުލޫމާތުތަކަށް ބަލާއިރު ލޯންޗު ފެރީ ޓިކެޓުގެ އަގުތައް ވަނީ ގާތްގަނޑަކަށް 40 ޕަސެންޓާއި 70 ޕަސެންޓާ ދެމެދު އުފުލިފަ އެވެ. އަދި، ކުރިން ކޮންމެ ދުވަހަކު ބާއްވަމުން އައި ފެރީ ދަތުރުތައް މަދުކޮށް ހަފްތާއަކު ދެތިން ދުވަހު ކުރުމަށް ވެސް ބައެއް ފެރީ އޮޕަރޭޓަރުން ވަނީ ނިންމާފަ އެވެ.

މައުޟޫޢުތަށް