މަސްވެރިންނަށް އަގުހެޔޮކޮށް ތެޔޮ ވިއްކާނެކަމުގެ ޔަގީންކަން ސަރުކާރުން ދީފި
އަދަދު
17 މާރިޗު 2026 | އަންގާރަ | 1:44
މެދުއިރުމަތީގައި ކުރަމުންދާ ހަނގުރާމައާ ގުޅިގެން ރާއްޖޭގައި ތެލުގެ އަގު ބޮޑުވި ނަމަވެސް މަސްވެރިންނަށް ތެޔޮ ވިއްކާނީ ސަބްސިޑީ އަގެއްގައި ކަމުގެ ޔަގީންކަން ސަރުކާރުން ދީފި އެވެ.
އެމެރިކާ އާއި އިޒްރޭލުން އިރާނާ ދެކޮޅަށް ފެށި ހަނގުރާމައިގެ ސަބަބުން މެދުއިރުމަތީގެ ގަލްފުގެ ގައުމުތަކުން އުފައްދާ ތެޔޮ ދުނިޔޭގެ އެހެން ހިސާބުތަކަށް ފޯރުކޮށްދިނުން ވަނީ މެދުކެނޑިފަ އެވެ. މިއީ މިހާ ބޮޑުކޮށް ދުނިޔެ ތެލަށް ޖެހުނު ފުރަތަމަ ފަހަރެވެ.
ތެލުގެ އަގު ރާއްޖޭގައި އެންމެ ބޮޑަށް އުފުލުނީ އިއްޔެ އެވެ. އެއާއެކު ދަތުރުފަތުރު ކުރުމުގެ އަގުތައް ވަނީ ވަރަށް ބޮޑަށް އުފުލިފަ އެވެ. އިއްޔެ އެކަނި ވެސް 40 ޕަސެންޓާއި 70 ޕަސެންޓާ ދެމެދުގެ އިތުރުވުމެއް އަގުތަކެއް ވަނީ އައިސްފަ އެވެ.