ތެލުގެ އަގު އިންތިހާ ބޮޑުވުމުން އެންސިސް އިން މަސްވެރިންނަށް ހިލޭ އައިސް ދޫކުރުން ހުއްޓާލައިފި
އަދަދު
18 މާރިޗު 2026 | ބުދަ | 3:13
މި ހިނގާ މާޗް މަހުގެ ތެރޭގައި ތެލުގެ އަގު ދެ ފަހަރަކަށް އުފުލުމުން މަސްވެރިންނަށް ހިލޭ އައިސް ދޫކުރުން އެންސިސް ފިޝަރީޒް އިން ހުއްޓާލައިފި އެވެ.
އެންސިސްއަކީ ބޮޑުކަންނެލި ގަންނަ ކުންފުންޏެކެވެ. އެތަނަށް މަސް ކިރާ ބޮޑުކަންނެލި މަސްވެރިންނަށް މީގެ ކުރިން އެންސިސް އިން އައީ ހިލޭ އައިސް ދޫކުރަމުންނެވެ.
އެކަމަކު، އެ ކުންފުނިން މިއަދު ނެރުނު ބަޔާނެއްގައި ބުނެފައި ވަނީ ތެލުގެ އަގު ބޮޑުވުމުން އައިސް އުފެއްދުމާއި ފޯރުކޮށްދިނުމަށް ކުރަމުން އައި ހަރަދު ވަރަށް ބޮޑަށް އިތުރުވެފައިވާ ކަމަށެވެ.