ފުވައްމުލަކުގައި ގަވާއިދާ ހިލާފުވި ކަމަށް ބުނެ ހަތަރު ބައިސްކަލު ޓޯކޮށްފި
އަދަދު
19 މާރިޗު 2026 | ބުރާސްފަތި | 12:08
ފުވައްމުލައް ސިޓީގައި އެއްގަމު ދަތުރުފަތުރުގެ ގާނޫނާ ހިލާފުވި ކަމަށް ބުނެ ޒުވާނުންތަކެއް ދުއްވި ހަތަރު ބައިސްކަލް ފުލުހުން އިއްޔެ ޓޯކޮށްފި އެވެ.
ފުލުހުން ބުނީ ޓޯކުރި ބައިސްކަލްތަކުގެ ތެރޭގައި ހިމެނެނީ ގަވާއިދާ ހިލާފަށް ބަދަލުތަކެއް ގެނެސްފައިވާ ބައިސްކަލަކާއި، މަގުމަތީގެ ސަލާމަތަށް ނުރައްކާވާ ގޮތަށް ދުއްވި ތިން ބައިސްކަލު ކަމަށެވެ.
"މި އުޅަނދުތައް ހިފަހައްޓާފައިވަނީ ދުވާރުމަތިން ދުއްވުމާއި، އެހެން އުޅަނދުތަކަށް ހުރަސްއެޅޭ ގޮތަށް ނުރައްކާތެރިކޮށް ޒިގްޒެގްކޮށް ދުއްވުމުގެ އިތުރުން، ބައިސްކަލުގައި ދެމީހުން އަރައިގެން ދުއްވުމާ ގުޅިގެން،" ފުލުހުން ބުންޏެވެ.