ރައީސް މުހައްމަދު މުއިއްޒުގެ ސަރުކާރަކީ ރާއްޖޭގެ ތާރީހުގައި ވެސް އެންމެ ހުތުރު ނަތީޖާއަކާ އެކު ނިމިގެންދާނެ ސަރުކާރު ކަމަށާއި، ކުރިއަށް އޮތް އަހަރަކީ ދައުލަތުގެ ހުރިހާ ގޯސްތަކެއް މިހާރަށް ވުރެ ބޮޑަށް ފަޅާއަރައި، މުއައްސަސާތައް ސަރުކާރު ދެކެ ބިރު ނުގަނެ ނުފޫޒުން މިނިވަންވާނެ އަހަރެއް ކަމަށް ރައްޔިތުންގެ މަޖިލީހުގެ ކުރީގެ މެންބަރު އިހްލާމް އަހުމަދު ވިދާޅުވެއްޖެ އެވެ.

"ވަރަށް ހަޑި ރިޕޯޓަކާއެކު ނިމޭނީ. އޮޑިޓު ރިޕޯޓުތައް ނެރޭނެ، ގަބޫލު ކުރައްވާ މިނިސްޓްރީތަކާއި ކުންފުނިތަކުގެ ރިޕޯޓްތައް ނުކުންނާނެ،" އަދަދު ނޫހުގެ "ފެންނަނުފެންނަ" ޕްރޮގްރާމުގައި ވާހަކަދައްކަވަމުން އިލްހާމް ރޭ ވިދާޅުވި އެވެ.

ރިޔާސީ އިންތިހާބާއި ރައްޔިތުންގެ މަޖިލީހުގެ އިންތިހާބު އެއް ދުވަހެއްގައި ބާއްވަން މުއިއްޒު ބޭނުން ވަނީ ދައުލަތުގެ ބާރުތައް އެ މަނިކުފާނުގެ މުށުތެރެއަށް ލެއްވުމަށް ނަމަވެސް ވެރިކަމުގެ ބާރުތަކަކީ ދާއިމީ އެއްޗެއް ނޫންކަން މި ސަރުކާރުގެ ވެރިންނަށް ވިސްނެން ވެއްޖެ ކަމަށް އިލްހާމް ވިދާޅުވި އެވެެ.

މައުޟޫޢުތަށް