ވާވު އަތޮޅުގައި ބުރާސްފަތި ދުވަހުގެ ރޭ ދަންވަރު ހިނގި ނުރައްކާތެރި ކަނޑުމަތީގެ އެކްސިޑެންޓެއްގައި ދެ މީހަކު ގެއްލިގެން ހޯދަމުން ދަނިކޮށް، އެ ހާދިސާ ހިނގި ވަގުތު ލޯންޗު ދުއްވަން އިން ކަމަށް މައުލޫމާތު ލިބިފައިވާ އިންޑިއާގެ ބިލިއަނަރު ގޯތަމް ސިންގްހާނިއާ ރާއްޖެއިން ފުރައިފި ކަމަށް އިއްޔެ ރިޕޯޓުކުރި އެވެ.

އިތުބާރު ކުރެވޭ މަސްދަރަކުން "އަދަދު" ނޫހަށް ކަށަވަރުކޮށް ދިން ގޮތުގައި، ރޭމަންޑް ޓެކްސްޓައިލްސްގެ ވެރިޔާ ގޯތަމް، 60، ރާއްޖެއިން ފުރާފައިވަނީ އިއްޔެ ހަވީރުގެ ވަގުތެއްގަ އެވެ.

މި ނުރައްކާތެރި ހާދިސާ ހިނގީ ބުރާސްފަތި ދުވަހުގޭ ރޭ ދަންވަރު 1:15 ހާއިރު، ގޯތަމްގެ 15 މިލިއަން ޑޮލަރުގެ އަގުބޮޑު ޔޮޓު، "ޓީޓީ އަޝޭނާ" ގައި ބޭނުންކުރާ "ސިނގިރޭޓު ރޭސިން" މަރުކާގެ ބާރު ސްޕީޑު ލޯންޗެއް ބަންޑުން ޖަހާލައިގެން ކަމަށް އަދަދު ނޫހާ ވާހަކަ ދެއްކި މީހާ ބުންޏެވެ.

މައުޟޫޢުތަށް